U BDU pačnuć rychtavać ekołahaŭ-ajcišnikaŭ

Biełaruski dziaržaŭny ŭniviersitet adkryvaje novuju śpiecyjalnaść — «ekałahičnaja biaśpieka». Padrychtoŭku buduć vieści ŭ Mižnarodnym ekałahičnym instytucie imia Sacharava — profilnym padraździaleńni BDU.

Zdymak ilustracyjny. Fota: Jandeks-Karty

Pieršy nabor studentaŭ na hetu śpiecyjalnaść płanujuć pravieści ŭžo hetym letam, navučańnie budzie tolki na biudžetnaj asnovie.

Asablivaść novaj śpiecyjalnaści ŭ tym, što jana spałučaje ekałohiju i IT. Studenty buduć vyvučać nie tolki profilnyja pradmiety, ale i prahramavańnie, analiz danych, hieainfarmacyjnyja sistemy i asnovy štučnaha intelektu.

Navučańnie praciahniecca čatyry hady. Paśla zakančeńnia vypuskniki atrymajuć kvalifikacyju «ekołah-inžynier» i zmohuć pracavać u dziaržaŭnych ustanovach, navukovych arhanizacyjach, na pradpryjemstvach abo ŭ IT-śfiery.

Kamientary da artykuła