U Biełaruskim dziaržaŭnym univiersitecie infarmatyki i radyjoelektroniki źjavicca novaja prafilizacyja — «kibierbiaśpieka». Pra heta BiełTA paviedamiŭ rektar VNU Vadzim Bohuš na 23‑j śpiecyjalizavanaj vystavie dla školnikaŭ, abituryjentaŭ, studentaŭ «Adukacyja i karjera».
Novaja prafilizacyja źjavicca na śpiecyjalnaści «abarona infarmacyi».
«U hetym hodzie my mocna pieraprajektavali śpiecyjalnaść pa infarmacyjnaj biaśpiecy, i ŭ hetuju pryjomnuju kampaniju budziem ažyćciaŭlać nabor pa prafilizacyi, źviazanaj z kibierbiaśpiekaj. Tyja abituryjenty, jakim cikavyja aśpiekty abarony infarmacyi i kibierbiaśpieki, zmohuć źviazać svoj los z BDUIR i z novymi rašeńniami ŭ hetaj śfiery. Heta novy profil u ramkach «śpiecyjalnaści» abarona infarmacyi», — raspavioŭ Vadzim Bohuš.
Padrychtoŭka śpiecyjalistaŭ pa novym profili pačniecca ŭžo z 1 vieraśnia.
Jašče z novaha — zaraz metavaja padrychtoŭka budzie ažyćciaŭlacca ŭ VNU tolki pa zapatrabavanych ekanomikaj śpiecyjalnaściach. Ich śpis užo možna znajści na sajcie VNU.
Kamientary