Ź Biełarusi ŭ Rasiju sprabavali niezakonna vyvieźci pad tonu rahoŭ
U Smalenskaj vobłaści zatrymali bujnuju partyju niezvyčajnaha hruzu, jakuju sprabavali ŭvieźci ź Biełarusi biez naležnych dakumientaŭ. Havorka idzie pra amal 800 kiłahramaŭ akaścianiełych rahoŭ aleniaŭ i łasioŭ, paviedamiŭ Raśsielhasnahlad.
Fota: 32.fsvps.gov.ru
Padčas pravierki vyśvietliłasia, što na hety tavar nie było vieterynarnych supravadžalnych dakumientaŭ, jakija abaviazkovyja dla padobnaj pradukcyi. Biez paćviardžeńnia pachodžańnia i biaśpieki takija hruzy ŭvozić zabaroniena.
U vyniku ŭsiu partyju nie prapuścili na terytoryju Rasii. Ciapier śpiecyjalisty vyśviatlajuć, jak hety hruz uvohule trapiŭ da miažy bieź nieabchodnych dakumientaŭ.
Čytajcie taksama:
Biełarusku spynili polskija mytniki pry sprobie pravieźci karał