Čatyry žančyny pierasiakali miažu praz punkt propusku «Brest» i vybrali «zialony kalidor», tym samym paćvierdziŭšy, što nie viazuć rečy, jakija treba dekłaravać. Adnak padčas pravierki vyśvietliłasia, što ŭ aŭtamabili i asabistych rečach schavanyja pradmiety mastactva, paviedamlaje Dziaržaŭny mytny kamitet.
Siarod znojdzienaha — 24 karciny, statuetki, dva kaminnyja hadzińniki, biust i naścienny bareljef. Ekśpierty ŭstanavili, što ŭsie hetyja rečy zroblenyja bolš za 50 hadoŭ tamu, tamu ličacca kulturnymi kaštoŭnaściami. Ich ahulny košt pieravyšaje 32 tysiačy rubloŭ.
U dačynieńni da žančyn raspačali administracyjnyja spravy. Im moža pahražać štraf, a taksama kanfiskacyja znojdzienych pradmietaŭ.
U mytnych orhanach adznačyli, što heta nie adzinkavy vypadak: tolki za apošni miesiac u Bresckaj vobłaści vyjavili bolš za dziasiatak padobnych sprob niezakonnaha pieramiaščeńnia kulturnych kaštoŭnaściaŭ praź miažu.
Kamientary