Pucin abmiežavaŭ kolkaść hrošaj, jakija možna vyvozić z Rasii ŭ Biełaruś

Prezident Rasii Uładzimir Pucin uvioŭ novyja abmiežavańni na vyvaz najaŭnych hrošaj u krainy Jeŭrazijskaha ekanamičnaha sajuza. Jany pačnuć dziejničać z 1 krasavika, piša «Kommiersant».

Zdymak ilustracyjny. Fota: «Naša Niva»

Pavodle ŭkaza, fizičnyja asoby zmohuć vyvozić u Armieniju, Biełaruś, Kazachstan i Kyrhyzstan nie bolš za sumu, ekvivalentnuju 100 tysiačam dalaraŭ. Dla jurydyčnych asob i pradprymalnikaŭ abmiežavańni jašče bolš žorstkija: im dazvolena vyvozić najaŭnyja hrošy tolki praz peŭnyja mižnarodnyja aeraporty i z dakumientami, jakija paćviardžajuć pachodžańnie srodkaŭ.

Akramia taho, z 1 maja ŭvodzicca zabarona na vyvaz z Rasii załatych źlitkaŭ vahoj bolš za 100 hramaŭ. Vyklučeńni mahčymyja tolki pry vykanańni śpiecyjalnych umoŭ i praz šerah aeraportaŭ z dazvołam adpaviednych orhanaŭ.

Pry hetym banki zmohuć pa-raniejšamu vyvozić valutu i kaštoŭnyja mietały biez abmiežavańniaŭ.

Kamientary da artykuła