Rasija pierakryvaje šlachi dla ŭvozu tannych mašyn praź Biełaruś
Z 1 krasavika 2026 hoda Rasija płanuje ŭvieści bolš strohija praviły dla ŭvozu aŭtamabilaŭ z krain Jeŭrazijskaha ekanamičnaha sajuza (JEAES). Prajekt pastanovy rasijskaha Minpramhandlu faktyčna likviduje papularnuju schiemu, jakaja dazvalała rasijanam ekanomić na mytnych płaciažach pry imparcie aŭtamabilaŭ praź Biełaruś, Kazachstan i Kyrhyzstan, piša Telegraf.news.
Dla rasijan heta aznačaje, što aŭtamabili, uviezienyja takim čynam, stanuć daražejšymi, a ŭ tych, chto ŭžo karystaŭsia schiemaj, mohuć zapatrabavać dapłacić roźnicu mytnych zboraŭ.
Zhodna z novym dakumientam, aŭtamabili, jakija pryvatnyja asoby ŭvoziać dla asabistaha karystańnia z krain JEAES, buduć abkładacca zboram hetak ža sama, jak i aŭtamabili, jakija ŭvoziać jurydyčnyja asoby. U rasijskim Minpramhandli tłumačać, što heta robicca dla taho, kab «vyraŭniać umovy apłaty ŭtylizacyjnaha zboru» dla ŭsich katehoryj hramadzian.
Raniej isnavała takaja «ščylina»: pryvatnyja asoby mahli ŭvozić aŭto biez dapłaty roźnicy myty, kali mašyna była dla asabistaha vykarystańnia. Prodaž takoha aŭto mahčymy byŭ tolki praz hod ci paśla apłaty kamiercyjnaha ŭtylizacyjnaha zboru, ale kančatkovaja cana ŭsio adno zastavałasia nižejšaj za košt ekanomii na mytach.
Asabliva papularnymi ŭ imparcioraŭ byli Biełaruś i Kyrhyzstan. Pavodle źviestak ahienctva «Avtostat», u 2025 hodzie ź Biełarusi ŭ Rasiju ŭvozili 17,1 tysiačy novych i 19,1 tysiačy ŭžyvanych aŭtamabilaŭ, a z Kyrhyzstana — 53,6 tysiačy novych i 2,8 tysiačy ŭžyvanych aŭto.
Ekśpierty tłumačać, što ŭ Biełarusi mašyny afarmlali na miascovych lhotnikaŭ z 50%-j źnižkaj na mytu, a ŭ Kyrhyzstanie ŭ mytnych dakumientach paznačali źnižany košt aŭto.
U Biełarusi ciapier taksama abmiarkoŭvajecca abmiežavańnie na samastojny ŭvoz aŭtamabilaŭ dla nastupnaha prodažu. Biełaruskaja aŭtamabilnaja asacyjacyja prapanavała ŭrehulavać pieraprodaž tak, kab nie parušać pravy hramadzian na mahčymaść niedarahoha nabyćcia aŭto dla siabie, uklučajučy šmatdzietnyja siemji i ludziej ź invalidnaściu.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary