Dvuch plamistych aleniaŭ pieravieźli z Bresta ŭ Biełaviežskuju pušču
Plamistyja aleni ciapier buduć žyć u ekskursijnych valjerach u Biełaviežskaj puščy, paviedamiła pres-słužba Nacyjanalnaha parka «Biełaviežskaja pušča». Raniej jany niekalki hadoŭ utrymlivalisia ŭ haradskim kutku žyvoj pryrody, ale paśla jaho zakryćcia žyvioł pačali raźmiaščać u inšych miescach. Aleni akazalisia apošnimi, chto tam zastavaŭsia.
Fota: Biełaviežskaja pušča
Paśla taho jak pra situacyju stała viadoma hramadskaści, ahulnymi namahańniami pačali šukać lepšyja ŭmovy dla žyvioł i źbirać hrošy dla ich vykupu. U vyniku kiraŭnictva nacparka vyrašyła pieravieźci ich u Biełaviežskuju pušču.
Cikava, što adzin z aleniaŭ — darosły samiec — raniej užo žyŭ u hetym parku, tamu faktyčna viarnuŭsia ŭ znajomaje miesca.
Ciapier žyvioły buduć žyć pad nahladam śpiecyjalistaŭ: im zabiaśpiečać pravilnaje karmleńnie, dohlad i vieterynarny kantrol. Adznačajecca, što jany nie mohuć žyć u dzikaj pryrodzie, bo ŭsio žyćcio praviali ŭ niavoli, dy i ŭvohule hety vid nie źjaŭlajecca naturalnym dla biełaruskaj fauny.
Čytajcie taksama:
U Breście sprabujuć vyratavać źniasilenych aleniaŭ z zakrytaha zaakutka
U Biełaviežskaj puščy pieraličyli zubroŭ
U vadajomie minskaha parku znajšli dźviuch čyrvanavuchich čarapach