U vadajomie minskaha parku znajšli dźviuch čyrvanavuchich čarapach
U vadajomie parku Uručča ŭ Minsku zaŭvažyli čyrvanavuchich čarapach. Pra znachodku paviedamiŭ Onliner Raman: pavodle jaho słoŭ, u sažałcy žyvuć jak minimum dźvie asobiny.
Adna z čarapach davoli vialikaja — kala 15 sm, z prykmietnym nalotam na pancyry, jaki śviedčyć ab tym, što jana znachodzicca ŭ vadzie ŭžo doŭhi čas. Niepadalok zaŭvažyli jašče adnu — mienšaha pamieru. Pa słovach vidavočcaŭ, padobnych čarapach u hetym parku bačyli i ŭ minułym hodzie. Heta moža aznačać, što im udałosia pieražyć zimu.
Jak mienavita žyvioły apynulisia ŭ vadajomie, nieviadoma. Chutčej za ŭsio, ich vypuścili byłyja ŭładalniki. Čyrvanavuchich čarapach časta pradajuć maleńkimi, ale z časam jany vyrastajuć da vialikich pamieraŭ i patrabujuć asablivych umoŭ utrymańnia. Akramia taho, hetyja žyvioły mohuć žyć da 30 hadoŭ.
Takich čarapach u Biełarusi zaŭvažajuć nie ŭpieršyniu. Ich bačyli ŭ race Śvisłač, u sažałcy Bataničnaha sadu, a taksama ŭ Sožy, Niomanie i inšych vadajomach. Niekatoryja asobiny zdolnyja pieražyć zimu, adnak mnohija nie vytrymlivajuć chaładoŭ.
Čyrvonavuchaja čarapacha ličycca invaziŭnym vidam i zaniesiena ŭ «Čornuju knihu invaziŭnych vidaŭ žyvioł Biełarusi». Śpiecyjalisty adznačajuć, što takija žyvioły mohuć upłyvać na miascovyja ekasistemy, choć stupień hetaj pahrozy aceńvajecca jak nievysokaja.
Tym časam anałahičnyja čarapachi ŭsio jašče traplajuć u prodaž: naprykład, na Barachołcy Onliner zaraz prapanujuć «vielmi miłuju» trochhadovuju asobinu «za simvaličnuju sumu».
Što rabić, kali ŭbačyŭ takuju čarapachu ŭ vadajomie?
Zabirać čyrvanavuchich čarapach z vadajoma nie treba, pakolki surjoznaj škody ad ich pakul niama.
— Jak pastupić? Pahrozy takaja čarapacha pakul nie niasie. Adna-dźvie takija asobiny ŭ haradskim vadajomie ŭ peŭnaj stupieni navat upryhožvajuć jaho. Tak što ja b asabliva nie turbavaŭsia. Ale kali ŭźnikajuć pytańni, telefanujcie nam u Akademiju navuk, u Minski zaapark albo na bijałahičny fakultet BDU, dzie vam padkažuć, jak pastupić, — raskazvaŭ Onlíner kandydat bijałahičnych navuk, viadučy navukovy supracoŭnik Navukova-praktyčnaha centra pa bijaresursach Nacyjanalnaj akademii navuk Siarhiej Drabienkaŭ.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary