U Rasii zabaraniajuć ekspart bienzinu
Urad Rasii vyrašyŭ z 1 krasavika zabaranić ekspart bienzinu. Daručeńnie padrychtavać adpaviednuju pastanovu atrymaŭ vice-premjer Alaksandr Novak, paviedamlaje «Kommiersant».
Zdymak ilustracyjny. Fota: «Naša Niva»
Rasijskija ŭłady tłumačać hety krok žadańniem strymać rost cenaŭ na paliva i zabiaśpiečyć u pieršuju čarhu ŭnutrany rynak. Adnak ekśpierty adznačajuć, što takaja miera chutčej zapavolić padaražańnie, ale nie pryviadzie da istotnaha źnižeńnia cen.
Rost cenaŭ na bienzin źviazany z vajnoj ZŠA i Izraila suprać Irana i faktyčnym zakryćciom Armuzskaha praliva, praź jaki prachodzić kala piataj častki suśvietnych pastavak nafty. Na hetym fonie ceny na naftu marki Brent u sakaviku pieravyšali 100 dołaraŭ za baral i ŭ peŭny momant dasiahali kala 126 dalaraŭ, paśla čaho stabilizavalisia prykładna na ŭzroŭni 110 dalaraŭ.
Situacyja ŭ Rasii dadatkova ŭskładniłasia paśla ŭdaraŭ Ukrainy pa porcie Uść-Łuha ŭ Leninhradskaj vobłaści 25 sakavika. Usio ŭ kompleksie moža pryvieści da skaračeńnia pierapracoŭki i zdabyčy nafty, a taksama stvaryć prablemy z ekspartam. Niekatoryja rasijskija kampanii ŭžo papiaredzili pakupnikoŭ pra mahčymyja zboi ŭ pastaŭkach.
Čytajcie taksama:
U Słavienii ŭviali abmiežavańni na prodaž bienzinu na zapraŭkach
Ukrainskija ŭdary pa partach paralizavali amal pałovu rasijskaha naftavaha ekspartu
Ukrainskija drony vyvieli sa stroju adzin z najbujniejšych rasijskich NPZ
U Leninhradskaj vobłaści adbyłasia masiravanaja ataka dronaŭ: pažary ŭ partach i kałaps u Pułkavie