Ukrainskija drony vyvieli sa stroju adzin z najbujniejšych rasijskich NPZ
Paśla ŭdaraŭ ukrainskich bieśpiłotnikaŭ ranicaj 26 sakavika adzin z najbujniejšych naftapierapracoŭčych zavodaŭ u Rasii — «Kiryšynaftaarhsintez» — spyniŭ pracu. Pavodle infarmacyi krynic Reuters, na pradpryjemstvie zaharelisia dźvie asnoŭnyja ŭstanoŭki i niekalki dapamožnych, a kali jany adnoviać pracu — pakul nieviadoma.
Hety zavod źjaŭlajecca najbujniejšym u Leninhradskaj vobłaści i adnym z najbujniejšych u Rasii. Jon moža pierapracoŭvać kala 20 miljonaŭ ton nafty na hod. Letaś tam pierapracavali 17,5 miljona ton, što składaje prykładna 6,6% ad ahulnaha abjomu ŭ krainie. Pradpryjemstva ŭvachodzić u skład kampanii «Surhutnaftahaz».
Raniej taksama paviedamlałasia, što paśla atak dronaŭ na party Prymorsk i Uść-Łuha było prypyniena kala 40% ekspartu rasijskaj nafty. Heta nazyvajuć samym surjoznym parušeńniem pastavak za sučasnuju historyju krainy. Pry hetym pažar u porcie Uść-Łuha praciahvajecca ŭžo druhija sutki.
Kamientary