Mierc padvierhnuŭ rezkaj krytycy dziejańni Trampa na Blizkim Uschodzie
«Heta nie deeskałacyja i nie sproba znajści mirnaje rašeńnie, a maštabnaja eskałacyja ź niapeŭnym vynikam».
Fota: Kay Nietfeld/picture alliance via Getty Images
Kancler Hiermanii rezka raskrytykavaŭ dziejańni Donalda Trampa na Blizkim Uschodzie.
«Toje, što ciapier robić Tramp, — heta nie deeskałacyja i nie sproba znajści mirnaje rašeńnie, a maštabnaja eskałacyja ź niapeŭnym vynikam. Heta ŭžo pahroźlivaja eskałacyja, jakaja tyčycca nie tolki niepasrednych udzielnikaŭ, ale i ŭsich nas», — skazaŭ jon
Mierc taksama vykazaŭ sumnieŭ u tym, što abvieščanaja Vašynhtonam meta źmieny režymu ŭ Tehieranie moža być dasiahnutaja.
«Ci źjaŭlajecca źmiena režymu sapraŭdnaj metaj? Kali heta meta, ja nie vieru, što jany jaje dasiahnuć. U minułym takija sproby najčaściej zakančvalisia pravałam», — pryvodzić słovy palityka Handelsblatt.