Machlary prydumali novuju prynadu — Telegram, jaki nibyta pracuje bieź internetu
Milicyja papiaredziła biełarusaŭ pra novuju machlarskuju schiemu, źviazanuju z Telegram. Złamyśniki raspaŭsiudžvajuć nibyta «novuju viersiju» papularnaha miesiendžara, jakaja, maŭlaŭ, pracuje bieź internetu — praz radyjočastoty.
Zdymak ilustracyjny. Fota: «Naša Niva»
Nasamreč heta padman: takoj viersii miesiendžara ŭ pryrodzie nie isnuje. Usia heta prydumka słužyć tolki dla taho, kab zavablivać davierlivych ludziej u pastku ašukancaŭ.
Tym, chto im pavieryŭ, machlary dasyłajuć spasyłku na «mabilnuju prahramu» i prapanujuć jaje ŭstalavać. Paśla hetaha jany atrymlivajuć dostup da danych karystalnika, a tady ŭžo mohuć uzłomvać akaŭnty i pierachoplivać kody dostupu.
Važna ćviorda zapomnić, što Telegram nie moža pracavać bieź internetu, a tamu ni ŭ jakim razie nie spampoŭvać padazronyja prahramy i nie pierachodzić pa nieviadomych spasyłkach.
Čytajcie taksama:
Ad zvankoŭ «z banka» da fejkavych inviestycyj. Jak machlary kraduć hrošy z kartaŭ
U Minsku minak pačuŭ razmovu vypadkovaj žančyny pa telefonie i pazvaniŭ u milicyju