Anansavanyja pieramovy pamiž ZŠA i Iranam u najbližejšyja dni
Pieramovy mohuć adbycca ŭ Isłamabadzie.
Isłamabad. Fota: Asad Zaidi/Bloomberg via Getty Images
Pieramovy pamiž ZŠA i Iranam mohuć adbycca ŭ stalicy Pakistana — Isłamabadzie — u najbližejšy čas. Pra heta paviedamiŭ kiraŭnik MZS Pakistana Ischak Dar pa vynikach kansultacyj z kiraŭnikami MZS Jehipta, Turcyi i Saudaŭskaj Aravii.
«Pakistan rady, što i Iran, i ZŠA vykazali davier našaj krainie ŭ pytańni sadziejničańnia pieramovam. Pakistan budzie ŭhanaravany pryniać i paspryjać praviadzieńniu źmiastoŭnych pieramoŭ pamiž dvuma bakami ŭ bližejšyja dni», — skazaŭ jon.
Dar taksama paviedamiŭ, što pravioŭ telefonnuju razmovu ź ministram zamiežnych spraŭ Kitaja: «Kitaj całkam padtrymlivaje inicyjatyvu Pakistana pa praviadzieńni amierykana-iranskich pieramoŭ». Anałahičnaja razmova adbyłasia z hienieralnym sakratarom Arhanizacyi Abjadnanych Nacyj, jaki taksama vykazaŭ poŭnuju padtrymku pakistanskaj mirnaj inicyjatyvie.