Nietańjachu rasparadziŭsia dapuścić łacinskaha patryjarcha Ijerusalima ŭ Chram Hroba Haspodniaha
Napiaredadni jamu nie dazvolili pravieści tam imšu.
Pjerbatysta Picabała. Fota: Faiz Abu Rmeleh/Getty Images
«Ja daručyŭ adpaviednym uładam zabiaśpiečyć kardynału Pjerbatysta Picabała, łacinskamu patryjarchu, poŭny i nieadkładny dostup da Chrama Hroba Haspodniaha ŭ Ijerusalimie», — napisaŭ premjer-ministr Izraila Bińjamin Nietańjachu.
Jon nahadaŭ, što niadaŭna ŭ niekalkich mietrach ad chrama ŭpali abłomki rakiety, i ŭ suviazi z hetym Izrail paprasiŭ pradstaŭnikoŭ usich kanfiesij časova ŭstrymacca ad naviedvańnia śviatyniaŭ u Starym horadzie Ijerusalima.
«Chacia ja razumieju hetyja aściarohi, jak tolki mnie stała viadoma pra incydent z kardynałam Picabałaj, ja daručyŭ uładam zabiaśpiečyć patryjarchu mahčymaść pravodzić słužby pa svaim mierkavańni», — zajaviŭ Nietańjachu.