Rym zajaviŭ pratest.
U Vierbnuju niadzielu izrailskaja palicyja nie puściła ŭ Chram Hroba Haspodniaha ŭ Ijerusalimie dvuch katalickich ijerarchaŭ, sasłaŭšysia na miery biaśpieki. Niekalki krain śvietu, a taksama carkoŭnaje kiraŭnictva nazvali heta niepraparcyjanalnym pierahibam, paviedamlaje «Jeŭrańjus».
Italija vykazała pratest suprać dziejańniaŭ izrailskaj palicyi, jakaja nie dazvoliła katalickamu kardynału i manachu pravieści nabaženstva ŭ honar Vierbnaj niadzieli ŭ chramie Hroba Haspodniaha ŭ Ijerusalimie, jaki nazyvajuć «horadam troch relihij». U italjanski MZS byŭ vyklikany pasoł Izraila.
U Rymie zajavili, što havorka idzie pra parušeńnie pryncypaŭ svabody vieravyznańnia.
Pravaachoŭniki nie prapuścili ŭ chram łacinskaha patryjarcha Ijerusalima kardynała Picabału i zachavalnika Śviatoj ziamli Frančeska Ijelpa.
Jak paviedamlajuć italjanskija ŚMI, palicyjanty paviedamili katalickim ijerarcham, što ŭsie śviatyni ŭ Ijerusalimie zakryty dla viernikaŭ z pačatku apieracyi ZŠA i Izraila suprać Irana z-za častych abstrełaŭ izrailskaj terytoryi.
Łacinski patryjarchat zajaviŭ, što admova ŭpuścić vysokapastaŭlenych relihijnych dziejačaŭ u chram u važny dla chryścijan dzień ujaŭlaje saboj «nieabhruntavanuju i niepraparcyjanalnuju mieru», balučuju dla viernikaŭ. Raniej heta viedamstva abviaściła ab admienie tradycyjnaj pracesii Vierbnaj niadzieli, adnak tam ličać, što zabarona nie ŭklučała niedapuščeńnie Picabały ŭ chram i što padobnych incydentaŭ nie było «na praciahu stahodździaŭ».
Rašeńnie nie puskać katalickich ijerarchaŭ na imšu asudzili ŭ niekalkich krainach, u pryvatnaści, u Francyi i Polščy.
U Vierbnuju niadzielu Papa Rymski vystupiŭ z rezkaj zajavaj u adras lidaraŭ, jakija viaduć vojny, adznačyŭšy, što Boh adchilaje ich malitvy.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?10
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary