Na treniroŭcy ŭ Rasii raźbiŭsia pierśpiektyŭny 17‑hadovy motahonščyk z Hrodna
Padčas trenirovak u Krasnadarskim krai 28 sakavika zahinuŭ 17‑hadovy honščyk z Hrodna Mark Rusiecki. Małady čałaviek byŭ adnym ź lidaraŭ nacyjanalnaha pieršynstva i nadziejaj biełaruskaha motakrosu.
Na vučebna-trenirovačnych zborach pa motakrosie ŭ Krasnadarskim krai Mark Rusiecki na pit-bajku ŭpaŭ na trasie. Ad atrymanych traŭm jon pamior na nastupny dzień, 28 sakavika.
Mark byŭ pieramožcam i šmatrazovym pryzioram pieršynstva Biełarusi pa motakrosie, taksama zavajoŭvaŭ čempijonski tytuł i nieadnarazova stanaviŭsia pryzioram maładziožnaha pieršynstva krainy. Apošnim časam Rusiecki vystupaŭ u rasijskich pieršynstvach.
Raźvitalnaja cyrymonija adbudziecca ŭ Hrodnie 31 sakavika. Baćki Marka paviedamili, što pryjści mohuć usie žadajučyja.
Čytajcie taksama:
Biełaruski motahonščyk cudam vyžyŭ paśla padzieńnia sa skały