Biełaruskija rybaki aktyŭna zmahajucca z amierykanskim somikam
Invaziŭny amierykanski somik masava raspaŭsiudziŭsia ŭ vadajomach. Hetaja ryba źjaviłasia jašče ŭ 1970‑ja hady i z taho času dobra prystasavałasia: jana ŭsiojednaja, chutka razmnažajecca, a vostryja kalučki abaraniajuć jaje ad drapiežnikaŭ. Asabliva šmat somika ŭ Bresckaj vobłaści, u race Muchaviec.
Navukoŭcy pakul nie znajšli efiektyŭnaha sposabu strymać rost papulacyi somika, tamu asnoŭnuju rolu ŭ hetym addali rybakam. Dla hetaha vidu niama abmiežavańniaŭ na łoŭlu — jaho možna łavić u lubych kolkaściach i ŭ luby čas. Ułoŭ časta nastolki vialiki, što jaho vymiarajuć viodrami, i na rybałku siudy pryjazdžajuć navat ź inšych rehijonaŭ.
U toj ža čas na astatniuju rybu ciapier dziejničaje nierastavaja zabarona:
- u Homielskaj i Bresckaj abłaściach — z 20 sakavika pa 18 maja;
- u Hrodzienskaj, Minskaj i Mahiloŭskaj — z 1 krasavika pa 30 maja;
- u Viciebskaj — z 10 krasavika pa 8 červienia.
Čytajcie taksama:
Žychar Hrodna pajšoŭ na rybałku i za čas prahułki źniaŭ ź siabie bolš za 140 klaščoŭ
U centry Minska ŭ Śvisłačy złavili čyrvonaknižnuju stronhu. Niaŭžo jana ŭ joj zaviałasia?
Pierad sustrečaj z Łukašenkam Koŭła zabaŭlali raskazami pra zimovuju rybałku