Rubia zajaviŭ, što ZŠA nieabchodna pieraasensavać značeńnie NATA
Dziaržsakratar ZŠA ličyć, što heta niepaźbiežna paśla zaviaršeńnia vajny ŭ Iranie, adnak kančatkovaje rašeńnie zastajecca za prezidentam Trampam.
Fota: Thomas Trutschel/Photothek via Getty Images
ZŠA nieabchodna pierahledzieć rolu NATA dla svajoj krainy. Pra heta zajaviŭ dziaržaŭny sakratar Marka Rubia ŭ efiry Fox News.
«NATA — heta pra toje, što ŭ nas jość vojski ŭ Jeŭropie, kab abaraniać Jeŭropu. Ale kali nam patrebna ich dapamoha, my nie prosim ich nanosić avijaŭdary; kali nam treba, kab jany dazvolili nam vykarystoŭvać ich vajennyja bazy, ich adkaz — nie. Tady navošta my ŭ NATA? Heta pytańnie treba zadać», — skazaŭ jon.
Pavodle słoŭ Rubia, pravieści pieraacenku značnaści NATA ZŠA zmohuć adrazu paśla zaviaršeńnia vajny ŭ Iranie, jakaja vychodzić na «finišnuju pramuju».
«Heta zdarycca nie siońnia i nie zaŭtra, ale nastanie. My dojdziem da momantu, kali našy vajskoŭcy dasiahnuć usich metaŭ misii», — dadaŭ jon.