Piaskoŭ prakamientavaŭ słovy Zialenskaha pra toje, što Rasija dała Ukrainie dva miesiacy na vychad z Danbasa
«Zialenski pavinien užo siońnia pryniać rašeńnie».
Ukraina pavinna jak maha chutčej pryniać rašeńnie ab vyvadzie vojskaŭ z terytoryi Danbasa. Tak pres-sakratar Kramla prakamientavaŭ słovy Uładzimira Zialenskaha pra toje, što Maskva dała Kijevu dva miesiacy na vyvad vojskaŭ.
«Što tyčycca dvuch miesiacaŭ, tut sprava nie ŭ dvuch miesiacach. Zialenski pavinien užo siońnia pryniać rašeńnie ab tym, kab ukrainskija vojski pakinuli terytoryju Danbasa. I pakinuli — vyjšli za miežy administracyjnych miežaŭ Danieckaj Narodnaj Respubliki. Pra heta kazałasia nieadnarazova. I pa idei Zialenski pavinien byŭ jašče ŭčora pryniać takoje rašeńnie, jak my kazali — uziać na siabie adkaznaść i pryniać takoje nialohkaje rašeńnie», — skazaŭ Piaskoŭ.