«Jany ŭsio bačać i viedajuć». Łukašenka raskazaŭ vajskoŭcam, jak razhladaŭ vakolicy Bresta na ŭkrainskich aerazdymkach
Alaksandr Łukašenka padčas padviadzieńnia vynikaŭ pravierki bajavoj hatoŭnaści Uzbrojenych sił 1 krasavika vučyŭ vajskoŭcaŭ, što jany pavinny čaściej mianiać miescy svajoj dysłakacyi.
Alaksandr Łukašenka. Fota: AP Photo / Pavel Bednyakov
Łukašenka padkreśliŭ, što vielmi važna svoječasova pakidać pastajannyja miescy dysłakacyi, naprykład kazarmy, i pieramiaščacca ŭ inšyja rajony. Sučasnyja srodki raźviedki, maŭlaŭ, dazvalajuć praciŭniku bačyć i adsočvać raźmiaščeńnie vojskaŭ. U jakaści prykładu jon zhadaŭ, što jamu pakazvali fotazdymki, zroblenyja z ukrainskaha bieśpiłotnika, na jakich vidać raźmiaščeńnie biełaruskich vajskovych abjektaŭ u rajonie Bresta.
«Usie nas bačać, viedajuć. Mnie jakraz z ukrainskaha bieśpiłotnika dasłali fatahrafii. Ja ich pahladzieŭ. Rajon Bresta jany zdymali. I našu bryhadu tam, i ŭsie hetyja punkty, jakija znachodziacca ŭ hetym rajonie. Jany ŭsio bačać i viedajuć».
Z hetaha robicca vysnova, što kali praciŭnik viedaje dakładnyja kaardynaty, to mienavita pa hetych miescach u pieršuju čarhu mohuć być naniesienyja rakietnyja ŭdary. Tamu, kab źnizić takuju ryzyku, nieabchodna nie tolki mianiać rajony zasiarodžańnia, ale i rabić heta rehularna, asabliva ŭ pieryjad uzrastańnia niebiaśpieki.
Čytajcie taksama:
Łukašenka zajaviŭ, što armija pavinna być pastajanna hatovaja da vajny