«Usie hundzieli, burčeli». Łukašenka raskazaŭ, što ŭ vojsku byli niezadavolenyja, što navučać ich zaprasili vahnieraŭcaŭ
Łukašenka siońnia pravioŭ naradu z vajskoŭcami pa vynikach kompleksnaj pravierki bojehatoŭnaści armii.
Jon zajaviŭ, jak u padrychtoŭcy biełaruskich vajskoŭcaŭ uličyli dośvied vajny va Ukrainie.
«U sučasnaj vajnie, pavažanyja aficery, važna ŭsio. Padrychtoŭka aficeraŭ — navučańnie, stupień vałodańnia vajskoŭcami davieranaj im zbrojaj, fizičnaja padrychtoŭka asabovaha składu. Znoŭ ža z SVA (tak prapahandysty nazyvajuć uvarvańnie Rasii va Ukrainu — NN) ad «Vahniera». Jany mianie papiaredzili: «Alaksandr Ryhoravič, hladzicie fizičnuju padrychtoŭku». Jany kažuć: «My heta ŭbačyli na vajnie». Kali padciahnuty, padrychtavany sałdat i aficer — buduć žyć. Kali jany nie mohuć biehčy, schavacca, ad kuli ŭchilicca — jany žyć nie buduć», — skazaŭ jon
«I tady ja paprasiŭ vajskoŭcaŭ, kab jany hetych instruktaraŭ dla navučańnia našych vajskoŭcaŭ zaprasili. I pierš za ŭsio na heta adhuknuŭsia Karpiankoŭ. Jon pryciahvaŭ hetych ludziej.
I jany pakazvali, vajskoŭcy vučylisia. Ale ŭsie hundzieli, bubnieli: «Voś, što jany nam tut pakazvajuć? Što, my hetaha nie viedajem?» — adznačyŭ Alaksandr Łukašenka. — Tamu fizpadrychtoŭcy ŭ hetaj praviercy była nadadziena asablivaja ŭvaha».
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary