Minfin rezka źmienšyŭ ceny na zołata i srebra

Ministerstva finansaŭ pierahledzieła raźlikovyja ceny na kaštoŭnyja mietały, jakija dziaržava zakuplaje ŭ svoj fond. Novyja ceny pačali dziejničać z 1 krasavika i, jak zvyčajna, ustanaŭlivajucca štomiesiac, piša Office Life.

Zdymak ilustracyjny. Fota: vecteezy.com

Paśla pieryjadu rostu, kali zołata daražeła vosiem miesiacaŭ zapar, u krasaviku jahony košt istotna źniziŭsia. Kali ŭ sakaviku adzin hram čystaha zołata kaštavaŭ 462,62 rubla, to ŭ krasaviku — užo 419,6 rubla, heta značyć prykładna na 43 rubli mienš.

Taksama praciahvaje tańnieć srebra: u sakaviku hram kaštavaŭ 8,05 rubla, a z krasavika — 6,7 rubla. Hetaje padzieńnie skłała 1,35 rubla. Padobnaja tendencyja nazirajecca i z płacinaj — jaje cana źniziłasia z 211,57 da 177,29 rubla za hram.

Siarod inšych mietałaŭ taksama adznačajucca značnyja źmieny. Naprykład, rodyj istotna patańnieŭ — bolš čym na 179 rubloŭ za hram (z 1068,99 da 889,59 rubla). Paładyj taksama źniziŭsia ŭ canie — amal na 30 rubloŭ (z 162,63 da 133,3 rubla).

U toj ža čas niekatoryja redkija mietały, naadvarot, padaraželi. Rutenij vyras amal na 30% (da 166,02 rubla), irydyj — bolš čym na 20% (da 740,17 rubla), a ośmij pakazaŭ nievialiki rost (na Z% da 36,89 rubla).

Kali hladzieć na suśvietny rynak, to ŭ sakaviku tam taksama nazirałasia źnižeńnie siarednich cen na asnoŭnyja mietały: zołata, srebra i płacinu. Na pačatak krasavika zołata ŭsio jašče trymajecca na davoli vysokim uzroŭni ŭ pieraliku na suśvietnyja biržy, ale ahulnaja tendencyja apošniaha miesiaca — heta karekcyja i źnižeńnie cen.

Kamientary da artykuła