Biełaruskaja zbornaja padniałasia ŭ rejtynhu FIFA
Zbornaja Biełarusi pa futbole palepšyła svajo stanovišča ŭ rejtynhu FIFA. Paśla publikacyi novaha rejtynhu kamanda padniałasia na adnu pazicyju i ciapier zajmaje 97‑je miesca ŭ śviecie.
Fota: AP Photo/Denes Erdos
Rost staŭ mahčymy dziakujučy ŭdałym vynikam u tavaryskich matčach u sakaviku. Kamanda pad kiraŭnictvam Viktara Hančarenki praviała dźvie sustrečy i abiedźvie vyjhrała: suprać Kipra ź likam 1:0 i suprać Armienii — 2:1. Hetyja pieramohi dadali zbornaj dadatkovyja bały ŭ rejtynhu FIFA.
Pa stanie na ciapierašni momant u lidary suśvietnaha rejtynhu vyjšła zbornaja Francyi, jakaja maje krychu bolš za 1877 bałaŭ. Raniejšaja pieršaja kamanda — Ispanija — apuściłasia na druhuju pazicyju. Trojku macniejšych zamykaje Arhiencina. U dziasiatku taksama ŭvachodziać takija zbornyja, jak Anhlija, Partuhalija, Brazilija, Niderłandy, Maroka, Bielhija i Hiermanija.
Biełaruskaja zbornaja z bałam kala 1235 raźmiaściłasia pobač z takimi kamandami, jak Hvatemała i Luksiemburh. A samaje apošniaje, 211‑ie miesca, zajmaje ŭ rejtynhu zbornaja San-Maryna.
Nastupnyja tavaryskija matčy zbornaja Biełarusi płanuje pravieści ŭ červieni. Praŭda, jaje sapierniki pakul jašče nie vyznačanyja.
Čytajcie taksama:
Vyznačylisia ŭsie ŭdzielniki čempijanatu śvietu pa futbole
Futbolnaja zbornaja Biełarusi vyjhrała svoj pieršy matč pad kiraŭnictvam Hančarenki