Siensacyja dnia — Italija prajhrała Bośnii ŭ sieryi pienalci i nie jedzie na čempijanat śvietu pa futbole
1:1 (4:1 pa pienalci) na karyść bałkancaŭ — i treci zapar čempijanat śvietu projdzie bieź Italii.
Matč prachodziŭ na stadyjonie «Bilina Pole» ŭ baśnijskaj Zienicy i spačatku składvaŭsia na karyść haściej.
Na 15‑j chvilinie italjaniec Mojze Kin adkryŭ u matčy lik, i pieravaha zbornaj Italii zachoŭvałasia amal uvieś asnoŭny čas. Praŭda, adno ŭ liku, bo baśnijcy aktyŭna atakavali i tolki za pieršy tajm nanieśli pa varotach italjancaŭ ažno 13 udaraŭ. A pierad samym pierapynkam Alasandra Bastoni padčas adnoj ź niebiaśpiečnych baśnijskich atak źbiŭ Amara Miemiča. Sudździa acaniŭ hety epizod jak «foł apošniaj nadziei» i pakazaŭ Bastoni čyrvonuju kartku. Tak što na druhi tajm italjancy vyjšli niapoŭnym składam, udziesiacioch.
Tym nie mienš, bolšuju častku hetaha tajma im udavałasia zachoŭvać pieravahu ŭ liku. Tolki na 79‑j chvilinie Charys Tabakavič zabiŭ miač u adkaz i lik staŭ ničyjnym.
Bolš hałoŭ z hulni ŭ hetym matčy nie było, a ŭ sieryi pienalci ŭpeŭniena (ź likam 4:1) pieramahli baśnijcy.
Raniej, na stadyi paŭfinału, zbornaja Bośnii i Hiercahaviny prajšła Uels (1:1, 4:2 pa pienalci), a italjanskaja kamanda pieramahła Paŭnočnuju Irłandyju ź likam 2:0.
Takim čynam, Italija prapuścić treci čempijanat śvietu zapar. Raniej jana nie zmahła prabicca na čempijanat śvietu 2018 hoda ŭ Rasii, zatym — na mundyjal-2022 u Katary.
Što da baśnijcaŭ, to jany zhulajuć na svaim druhim čempijanacie śvietu ŭ historyi. Pieršym byŭ čempijanat śvietu 2014 hoda ŭ Brazilii — akurat na im, darečy, apošni raz brała ŭdzieł zbornaja Italii.
Čempijanat śvietu 2026 hoda projdzie z 11 červienia pa 19 lipienia ŭ ZŠA, Kanadzie i Mieksicy. Upieršyniu ŭ historyi turnir prymie ažno 48 zbornych (raniej było 32).
Akramia baśnijcaŭ, siońnia vyznačylisia jašče try ŭdzielniki čempijanatu ad Jeŭropy. Imi stali zbornaja Čechii, jakaja pieramahła zbornuju Danii (2:2 u asnoŭny čas, 3:1 pa pienalci), zbornaja Turcyi, jakaja adoleła Kosava ź likam 1:0, i zbornaja Šviecyi, jakaja akazałasia macniejšaj za palakaŭ ź likam 3:2.
Ciapier zastalisia nie razyhranymi ŭsiaho dźvie pucioŭki na čempijanat. Ich uładalniki vyznačacca ŭ matčach mižkantynientalnaha płej-of Demakratyčnaja Respublika Konha — Jamajka i Irak — Balivija. Abodva matčy projduć u noč na 1 krasavika.
Vyznačylisia ŭdzielniki finałaŭ stykavych matčaŭ adboru na čempijanat śvietu pa futbole
Futbolnaja zbornaja Biełarusi vyjhrała svoj pieršy matč pad kiraŭnictvam Hančarenki
Kapitan zbornaj Maroka admoviŭsia ad trafieju Kubka Afryki pacla parady maci
Vyznačylisia ŭsie čverćfinalisty futbolnaj Lihi čempijonaŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
A ŭžo pra lik u astatnich hulniach napisać, na heta abmiežavańnie pa znakach?
Bolelŝik Intiera s 1998.