U Biełarusi akredytavali vajskovaha dypłamata z Francyi
U Biełarusi aficyjna akredytavali vajskovaha dypłamata z Francyi, paviedamlaje BiełTA. Havorka idzie pra bryhadnaha hienierała Žeroma Małara, jaki staŭ ataše pa pytańniach abarony pry pasolstvie Francyi ŭ Biełarusi (pry hetym jaho asnoŭnaja rezidencyja znachodzicca ŭ Maskvie).
Fota: Ministerstva abarony
Z hetaj nahody ŭ Ministerstvie abarony Biełarusi adbyłasia sustreča ŭ Departamiencie mižnarodnaha vajskovaha supracoŭnictva. Padčas razmovy, jak paviedamlajecca, baki abmierkavali šerah važnych pytańniaŭ, u tym liku situacyju ŭ śfiery mižnarodnaj biaśpieki i ahulnuju vajenna-palityčnuju abstanoŭku va Uschodniaj Jeŭropie.
Biełaruski bok taksama daŭ svaju acenku ciapierašniamu stanu adnosin z Francyjaj u vajskovaj śfiery i raskazaŭ, jak bačyć dalejšaje supracoŭnictva. Francuzski pradstaŭnik, u svaju čarhu, adznačyŭ, što zadavoleny hatoŭnaściu biełaruskaha boku da dyjałohu i adkrytaściu ŭ abmierkavańni pytańniaŭ.
Na siońnia pry Ministerstvie abarony Biełarusi akredytavanyja vajskovyja pradstaŭniki kala dziesiaci krain — členaŭ NATA, a taksama Šviejcaryi.
Čytajcie taksama:
U Biełaruś pryjazdžaŭ aficyjny pradstaŭnik Hiermanii
MZS Biełarusi «pakul nie bačyć hatoŭnaści litoŭskaha boku da surjoznaj razmovy»
Stali viadomyja troje sudździaŭ, jakija buduć raźbirać u Haazie situacyju ŭ Biełarusi