MZS Biełarusi «pakul nie bačyć hatoŭnaści litoŭskaha boku da surjoznaj razmovy»
Premjer-ministarka Litvy Inha Ruhinienie zajaviła, što dla mahčymaj sustrečy z pradstaŭnikami Biełarusi ŭžo pryznačany adkazny pradstaŭnik. Pres-sakratara MZS Biełarusi Rusłan Varankoŭ prakamientavaŭ hetu zajavu.
Pavodle Varankova, Biełaruś pakul nie bačyć hatoŭnaści litoŭskaha boku da surjoznaj razmovy.
«My aznajomilisia z paviedamleńniami ab tym, što litoŭski bok vyznačyŭsia z kandydaturaj dla mahčymaha ŭzajemadziejańnia. Adnak na siońnia ŭ nas niama jakoj-niebudź kankretnaj i aficyjnaj infarmacyi ni pra toje, chto budzie pradstaŭlać Vilnius, ni pra toje, jakimi paŭnamoctvami hety čałaviek nadzieleny, ni pra toje, jaki źmiest miarkujecca ŭkłaści ŭ taki dyjałoh. Miarkujučy pa ŭsim, hetaje rašeńnie adrasavana najpierš dla ŭnutranaj aŭdytoryi — kab pakazać litoŭskamu nasielnictvu, što na biełaruskim kirunku štości robicca», — skazaŭ Rusłan Varankoŭ.
Jon dadaŭ, što pakul biełaruski bok nie bačyć pradmietnych krokaŭ, jakija dazvalali b kazać pra hatoŭnaść litoŭskaha boku da surjoznaj razmovy.
«Razam z tym našaja pazicyja zastajecca niaźmiennaj: my zaŭsiody vystupali za dyjałoh i pa-raniejšamu adkrytyja da jaho. Ale raźličvajem nie na miedyjnyja žesty, a na kankretnyja i źmiastoŭnyja kroki», — zajaviŭ pres-sakratar MZS.
Učora premjerka Litvy Ruhinienie zajaviła, što dla pieramoŭ ź Biełaruśsiu ŭžo pryznačany čałaviek. Ale Litva maje ŭmovy. Siarod asnoŭnych patrabavańniaŭ — spynieńnie pieralotaŭ praź miažu pavietranych šaroŭ, jakija vykarystoŭvajucca dla kantrabandy, viartańnie zatrymanych hruzavikoŭ biez dadatkovych vypłat, a taksama niedapuščeńnie nielehalnaj mihracyi.
Ruhinijenie adznačyła, što biez vykanańnia hetych umoŭ ruchu napierad nie budzie, i Litva nie bačyć dastatkovaj hatoŭnaści da supracoŭnictva z boku Minska.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm13
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary