Prypyniena dziejańnie paśviedčańnia vydaviectva «Technałohija»
Vydaviectva prypyniła dziejnaść u pačatku lutaha.
Mininfarmacyi prypyniła dziejańnie paśviedčańnia raspaŭsiudnika drukavanych vydańniaŭ «Technałohija».
«Navukova-vytvorčym kaapieratyvam «Technałohija» prapuščany termin dla padačy paviedamleńnia ab źmianieńni źviestak, jakija padlahajuć uklučeńniu ŭ Dziaržaŭny rejestr vydaŭcoŭ, vytvorcaŭ i raspaŭsiudnikaŭ drukavanych vydańniaŭ, pieralik jakich zaćviardžajecca Ministerstvam infarmacyi Respubliki Biełaruś», — paviedamlaje pres-słužba Mininfarma.
«Technałohija» była zasnavana ŭ 1988 hodzie i staŭ pieršym pryvatnym vydaviectvam u Biełarusi. Za hety čas vydała niekalki sotniaŭ, kali nie tysiač knih i kalendaroŭ.
U lutym u Minsk prajšli masavyja zatrymańni vydaŭcoŭ i raspaŭsiudnikaŭ knih. Siarod inšych byli zatrymanyja zasnavalnik vydaviectva Vacłaŭ Bahdanovič, jaho žonka Alena Bahdanovič i dački Antanina Bahdanovič i Viktoryja Bahdanovič. Paźniej usich, akramia Viktoryi Bahdanovič, vyzvalili. Taksama byŭ zatrymany hałoŭny redaktar vydaviectva Źmicier Sańko.