Zamiežnych turystaŭ u biełaruskich sanatoryjach stała jašče bolš
Zamiežnyja turysty stali jašče čaściej pryjazdžać na adpačynak u biełaruskija sanatoryi. U 2025 hodzie tam azdaravilisia kala 260 tysiač čałaviek z prykładna 80 krain, što stała novym rekordam, paviedamili ŭ efiry «Pieršaha infarmacyjnaha».
Fota ilustracyjnaje
Kolkaść inšaziemcaŭ u biełaruskich sanatoryjach z hoda ŭ hod pastupova raście: u 2024 hodzie ich było bolš za 246 tysiač, u 2023 — kala 217 tysiač, a ŭ 2022 — bolš za 188 tysiač.
Usiaho za 2025 hod biełaruskija sanatoryi pryniali kala 1,6 miljona čałaviek. Pry hetym amal 800 tysiač ź ich atrymali azdaraŭleńnie na lhotnych umovach. Štohod na heta ź dziaržaŭnaha biudžetu vydajecca kala 100 miljonaŭ dalaraŭ.
Sanatorna-kurortnaja śfiera zajmaje značnuju dolu ŭ eksparcie turystyčnych pasłuh krainy — amal pałovu. Dachody sanatoryjaŭ u 2025 hodzie pieravysili 1,5 miljarda rubloŭ i vyraśli bolš čym na 20% u paraŭnańni z papiarednim hodam.
Akramia taho, popyt na adpačynak u sanatoryjach zastajecca vielmi vysokim: na leta 2026 hoda ŭžo zabraniravana bolš za 90% puciovak.
Čytajcie taksama:
Sanatoryj «Sosny» na bierazie Naračy madernizujuć u sučasny viełnies-centr
U sanatoryi Homielskaha rajona znojdzieny miortvym mužčyna z Sankt-Pieciarburha
Dźvie piensijanierki značna aščadzili na pucioŭcy ŭ sanatoryj, ale paśla pra heta paškadavali
Baćki pryjechali naviedać dzicia ŭ sanatoryj, ale ich nie puścili. Skončyłasia vyklikam milicyi
Sanatoryi chočuć, kab biełarusy płacili stolki ž, kolki rasijanie. Nakolki moža padaražeć adpačynak?