Kiełah raskrytykavaŭ NATA i prapanavaŭ stvaryć novy aljans z udziełam Ukrainy
Były śpiecpasłańnik prezidenta ZŠA va Ukrainie zajaviŭ, što, mahčyma, jość patreba ŭ stvareńni alternatyŭnych da NATA vajennych aljansaŭ.
Kit Kiełah. Fota: Dursun Aydemir / Anadolu via Getty Images
U pryvatnaści, Kiełah raskrytykavaŭ NATA i prapanavaŭ utvaryć alternatyŭnyja aljansy. Pra heta jon zajaviŭ u efiry Fox News, piša «Ukrainskaja praŭda».
Na jaho dumku, mahčyma prymianieńnie z boku ZŠA 13‑ha artykuła NATA, zahadzia papiaredziŭšy aljans i daŭšy jamu hod na padrychtoŭku da vychadu ZŠA.
«Pierarabić abarončyja struktury, jakija my majem, mahčyma, stvaryć ich ź Japonijaj i Aŭstralijaj, a taksama ź niekatorymi z tych jeŭrapiejskich krain, jakija hatovyja ŭstupić u vajnu, takimi jak novaja, znoŭ uklučanaja Hiermanija ci Polšča. Ci navat Ukraina, jakaja taksama prajaviła siabie jak dobry sajuźnik», — skazaŭ hienierał Kit Kiełah.