Čym zajmajecca ŭnuk viadomaha kampazitara i aŭtara «Kałychanki» Vasila Rainčyka?
21 hod tamu chłopiec vystupaŭ na adnoj scenie z Ksienijaj Sitnik na dziciačym Jeŭrabačańni-2005 — tady biełaruskaja kamanda ŭziała zołata.
Unuk narodnaha artysta Biełarusi, kampazitara Vasila Rainčyka, jakoha zavuć tak, jak i dzieda, taksama zajmajecca muzykaj. Pad psieŭdanimam Wasssup jon sioleta vypuściŭ solny albom «Ščaście praz bol».
Vasil Rainčyk 21 hod tamu na Jeŭrabačańni razam z Ksienijaj Sitnik
«U majoj siamji ŭsie muzyki, i ja nie vyniatak», — raskazvaje pra siabie Vasil.
Vasil Rainčyk-małodšy, unuk Vasila Piatroviča Rainčyka i syn Siarhieja Rainčyka. Siarhiej byŭ adzinym synam narodnaha artysta Biełarusi, razam z baćkam hraŭ u «Vierasach». Jaho nie stała ŭ 2020 hodzie paśla raptoŭnaha spynieńnia serca. Fota: instahram @wasssupminsk
Ahułam za dva hady isnavańnia svajho prajekta Vasil zapisaŭ bolš za 40 piesień. Adny z samych papularnych — «Ja idu pa horadzie» i «Prylip» — atrymali płacinavy status pa standartach Fiederacyi muzyčnaj industryi. Tolki na Spotify pieršy trek pasłuchali amal try miljony razoŭ.
U roliku-vizitoŭcy ŭ instahramie Vasil pryznajecca, što ciapier znachodzicca ŭ stomlenym stanie.
«Zachaciełasia viarnuć vieru ŭ siabie. Zaŭsiody jość vybar skłaści łapki i spynicca, ale hetaja historyja nie pra mianie. Ja vieru, što maja muzyka znojdzie svajho słuchača, i, mahčyma, ty — toj samy čałaviek, jaki nie viedaŭ, što jość taki, jak ja».