Šry-Łanka prapanavała Biełarusi zapuścić rehularnyja avijarejsy
Šry-Łanka prapanavała Biełarusi naładzić rehularnyja pramyja avijarejsy pamiž dźviuma krainami. Hetaje pytańnie abmiarkoŭvałasia padčas sustrečy kiraŭnikoŭ transpartnych viedamstvaŭ, paviedamlaje pres-słužba Mintransa.
Ilustracyja: vecteezy.com
Inicyjatyva, jak paviedamlajecca, nakiravanaja na ŭmacavańnie turystyčnych suviaziaŭ. Šry-Łanka ŭžo źjaŭlajecca papularnym napramkam dla biełarusaŭ: u 2025 hodzie jaje naviedali kala 10 tysiač turystaŭ ź Biełarusi. Tamu prapanujecca zrabić pieraloty tudy pastajannymi.
Akramia hetaha, baki abmierkavali supracoŭnictva ŭ adukacyi — u pryvatnaści, padrychtoŭku śpiecyjalistaŭ dla transpartnaj haliny ŭ biełaruskich univiersitetach i na kursach pavyšeńnia kvalifikacyi.
Ciapier paloty pamiž krainami ŭžo jość, ale jany vykonvajucca nierehularna. Samaloty lotajuć ź Minska ŭ aeraport Matała na paŭdniovym uschodzie Šry-Łanki, a daroha tudy zajmaje kala dzieviaci z pałovaj hadzin.
Čytajcie taksama:
«Biełavija» pierachodzić na letni raskład