Staršakłaśnikaŭ i moładź zaprašajuć u biaspłatnuju anłajn-škołu pa ekanomicy
Škoła ekanomiki i biznesu BISEB zaprašaje staršakłaśnikaŭ i moładź u biaspłatnuju anłajn-škołu pa ekanomicy.
Kurs Business & Economics Stars dazvolić maładym ludziam pasprabavać siabie ŭ śfiery ekanomiki, finansaŭ i biznesu jašče da pastupleńnia va ŭniviersitet.
Praciahłaść škoły — adzin miesiac.
Za hety čas udzielniki raźbiarucca, jak ekanomika pracuje ŭ realnym žyćci, čamu źmianiajucca ceny i jak prymajucca ekanamičnyja rašeńni. Moładź taksama daviedajecca bolš pra asabistyja finansy, źbieražeńni i inviestycyi, paznajomicca z asnovami pradprymalnictva i papracuje nad ułasnym prajektam.
Kurs padydzie tym, chto razhladaje navučańnie ŭ śfiery ekanomiki, biznesu i kiravańnia, budučym analitykam, finansistam i mieniedžaram, tym, kaho cikavić pradprymalnictva i zapusk ułasnych prajektaŭ, a taksama tym, chto pakul nie vyznačyŭsia sa śpiecyjalnaściu, ale choča pasprabavać.
Projdzie kurs z 8 krasavika da 8 traŭnia 2026 hoda ŭ farmacie anłajn. Mova navučańnia — ruskaja. Zaniatki buduć pa paniadziełkach i sieradach, a 18:00—19:30 pa Vilni.
Uzrost udzielnikaŭ — 15—25 hadoŭ. Udzieł biaspłatny.
Rehistracyja na kurs adkrytaja da 6 krasavika ŭklučna.