U Minsku z nastupnaha tydnia buduć ekspanavać znakamituju «Prahułku» Šahała
Z 8 krasavika ŭ Nacyjanalnym mastackim muziei možna budzie ŭbačyć znakamituju karcinu Marka Šahała «Prahułka». Vystava adnaho šedeŭra budzie dastupnaja da 6 lipienia.
Fota: Ruski muziej
Karcina ŭvachodzić u kalekcyju Ruskaha muzieja ŭ Sankt-Pieciarburhu, ale na niekalki miesiacaŭ jaje vystaviać u našym Nacyjanalnym mastackim muziei, piša Office Life.
«Prahułka» źjaŭlajecca adnym z prahramnych tvoraŭ Marka Šahała. Karcina była napisana ŭ 1917 hodzie. Jana ŭvachodzić u trypcich razam z takimi pracami, jak «Dvajny partret» i «Nad horadam».
Heta cykł tvoraŭ, jakija pradstaŭlajuć aŭtapartret mastaka z maładoj žonkaj Biełaj. Usie karciny źviazanyja z rodnym horadam Šahała — Viciebskam.
«Nad horadam» znachodzicca ŭ Traćciakoŭskaj halerei, a «Dvajny partret» — u paryžskim muziei Centra Žorža Pampidu.