U Smarhoni ŭ pieršym matčy futbolnaha siezonu miač na pole dastavili na traktary VIDEA

Pierad pačatkam matču pieršaj lihi miascovaj «Smarhoni» ź minskim «Juni Iks Łabs» miač sudździ dastavili nie zvyčajnym sposabam, a na maleńkim traktary. Zvyčajna arbitr vychodzić na pole ŭžo ź miačom abo biare jaho sa śpiecyjalnaj padstaŭki, ale tut vyrašyli zrabić aryhinalny pierformans.

Skrynšot ź videa

Prykładna za chvilinu da pačatku hulni da pola padjechaŭ traktar ź miačom. Sudździa padyšoŭ da jaho, uziaŭ miač i paśla hetaha nakiravaŭsia ź im da centralnaha kruha.

Taki chod byŭ nievypadkovy: u Smarhoni pracuje zavod, jaki vyrablaje mini-traktary i motabłoki. Takim čynam arhanizatary matču chacieli źviarnuć uvahu na miascovuju vytvorčaść.

Pry hetym sama hulnia dla haspadaroŭ atrymałasia niaŭdałaj — smarhonskaja kamanda prajhrała haściam ź likam 0:3.

Kamientary da artykuła