Kamandavańnie vajskova-marskich sił Irana: Armuzski praliŭ užo nikoli nie vierniecca da svajho raniejšaha stanu
U kamandavańni vajskova-marskich sił Irana prakamientavali situacyju z Armuzskim pralivam.
Zdymak ilustracyjny. Fota: Indranil Aditya/NurPhoto via Getty Images
«Armuzski praliŭ užo nikoli nie vierniecca da svajho raniejšaha stanu, asabliva dla Amieryki i Izraila. Vajskova-marskija siły Korpusa vartavych isłamskaj revalucyi zaviaršajuć apieratyŭnuju padrychtoŭku ŭ ramkach abvieščanaha płana iranskich aficyjnych asob pa ŭstalavańni novaha paradku ŭ Piersidskim zalivie», — havorycca ŭ paviedamleńni.
Učora Donald Tramp anansavaŭ piekła ŭ Iranie ŭžo zaŭtra ŭ aŭtorak, kali Iran nie addaść praliŭ.
«U aŭtorak u Iranie budzie «Dzień elektrastancyj» i «Dzień mastoŭ» — usio ŭ adnym. Ničoha padobnaha jašče nie było!!! Adkryjcie hety čortavy praliŭ, šalonyja vyradki», albo vy budziecie žyć u Piekle — prosta hladzicie! Chvała Ałachu!» — napisaŭ jon učora.
Da pačatku vajny ZŠA i Izraila ź Iranam (28 lutaha) praz Armuzski praliŭ prachodziła kala piataj častki suśvietnych pastavak nafty. Z pačatkam vajny Iran faktyčna zakryŭ prachod praz praliŭ. U kancy sakavika Iran zajaviŭ, što «varožym» krainam budzie i dalej zabaroniena karystacca pralivam.
Pieršy raz Tramp davaŭ Iranu 48 hadzin na adkryćcio Armuzskaha pralivu 21 sakavika. Tady jon zajaviŭ, što paśla zakančeńnia hetaha terminu ZŠA źniščać najbujniejšyja elektrastancyi Irana.