Razmova idzie pra spynieńnie ahniu na 45 dzion.
ZŠA i Iran razam z hrupaj rehijanalnych pasiarednikaŭ abmiarkoŭvajuć umovy patencyjnaha spynieńnia ahniu na 45 dzion, jakoje mahło b pryvieści da zakančeńnia vajny. Pra heta piša Axios sa spasyłkaj na čatyry krynicy z ZŠA, Izraila i jašče niekalkich krain.
Pavodle surazmoŭcaŭ vydańnia, šancy na dasiahnieńnie častkovaha pahadnieńnia nievialikija, adnak heta «apošniaja sproba» i adziny šaniec praduchilić rezkuju eskałacyju vajny, adznačajecca ŭ artykule.
U ZŠA i Izraila hatovy płan kampanii pa bambardziroŭcy enierhietyčnych abjektaŭ Irana.
Donald Tramp padoŭžyŭ termin ultymatumu, kab dać apošni šaniec dasiahnuć pahadnieńnia, śćviardžajuć krynicy. Pieramovy, pavodle Axios, iduć praz pasiarednikaŭ z Pakistana, Jehipta i Turcyi, a taksama praź pierapisku pamiž śpiecpasłańnikam amierykanskaha prezidenta Styvam Uitkafam i ministram zamiežnych spraŭ Irana Abasam Arakčy.
Pavodle adnaho z amierykanskich čynoŭnikaŭ, za apošnija dni Vašynhton pieradaŭ Tehieranu niekalki prapanoŭ, adnak nivodnaja ź ich dahetul nie była pryniata.
Pavodle infarmacyi Axios, pahadnieńnie praduhledžvaje dva etapy. Pieršy praduhledžvaje mahčymaje spynieńnie ahniu na 45 dzion. Na praciahu hetaha pieryjadu płanujecca abmierkavać kančatkovyja ŭmovy zaviaršeńnia vajennaha kanfliktu. Pry hetym pasiaredniki ličać, što damovicca pra poŭnaje adkryćcio Armuzskaha praliva i vyrašeńnie pytańnia ŭzbahačanaha Iranam uranu atrymajecca tolki ŭ miežach kančatkovaha pahadnieńnia.
Zaraz pasiaredniki sprabujuć zrazumieć, ci hatovy Iran pajści chacia b na častkovyja kroki pa hetych pytańniach na pieršym etapie pahadnieńnia. Jany paviedamili Tehieranu, što bližejšyja 48 hadzin — apošniaja mahčymaść dasiahnuć pahadnieńnia i praduchilić maštabnyja razbureńni.
Pry hetym aficyjnyja asoby Isłamskaj Respubliki dali zrazumieć, što nie chočuć apynucca ŭ situacyi, kali pahadnieńnie isnuje tolki na papiery.
Donald Tramp 4 krasavika zajaviŭ, što Iran pavinien zaklučyć ździełku abo adkryć Armuzski praliŭ da 6 krasavika, inakš «na ich abryniecca ŭsio piekła».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy55
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary