Minčuk kupiŭ narkotyki, ale zabrać ich nie paśpieŭ. Ale jamu ŭsio roŭna pahražaje termin
Mužčyna razam z pryjacielem vyrašyŭ pakaštavać psichatropnaje rečyva i dla hetaha źviazaŭsia z administrataram cieniavoj internet-kramy. Paśla pierapiski jany vybrali rečyva i apłacili zakaz.
Pa zakładku mužčyny nakiravalisia na vulicu Padlesnuju. Tam ich spynili supracoŭniki padraździaleńnia pa narkakantroli i paprasili pakazać źmieściva mabilnych telefonaŭ.
U smartfonie abvinavačanaha apieratyŭniki vyjavili kaardynaty i fatahrafiju miesca, dzie byŭ schavany tajnik. Paźniej ź jaho vyniali skrutak z 1,29 hrama alfa-PVP.
U dačynieńni da mužčyny zaviali kryminalnuju spravu pavodle č. 1 art. 328 KK. Pakarańnie pa joj — da piaci hadoŭ pazbaŭleńnia voli..