Ukraina paraziła rasijski frehat, ź jakoha bili kryłatymi rakietami
Hetaj nočču ŭ porcie Navarasijska Ukrainskija Siły bieśpiłotnych sistem (SBS) razam z SBU praviali apieracyju, hałoŭnaj metaj jakoj staŭ frehat «Admirał Makaraŭ». Hety karabiel — nośbit kryłatych rakiet «Kalibr», paviedamiŭ kamandujučy SBS Robiert «Madziar» Broŭdzi.
Frehat sprabavaŭ adbicca ad dronaŭ, zapuskajučy rakiety supraćpavietranaj abarony prosta z borta, pakul drony išli na zbližeńnie.
Ukrainskim bieśpiłotnikam udałosia prarvacca i parazić cel. Pamier škody vyznačajecca vyviedkaj, dadaŭ «Madziar».
Akramia frehata, pad ataku trapiła płavučaja buravaja ŭstanoŭka «Sivaš», a nad naftapierahruzačnym kompleksam «Šescharys» padniaŭsia słup dymu.