Tramp nie pierajmajecca, što amierykancy mohuć ździejśnić u Iranie vajennyja złačynstvy
Prezident ZŠA Donald Tramp 6 krasavika prakamientavaŭ mahčymaść taho, što patencyjnyja ŭdary ZŠA pa elektrastancyjach i inšych abjektach krytyčnaj infrastruktury ŭ Iranie buduć ličycca vajennymi złačynstvami. Jaho słovy pryvodzić CNN.
Donald Tramp. Fota: Anna Moneymaker / Getty Images
Žurnalisty spytali Trampa padčas vielikodnaha mierapryjemstva ŭ Biełym domie, ci mohuć udary ZŠA pa abjektach cyvilnaj infrastruktury ŭ Iranie, jakija prezident pahražaŭ nanieści, ličycca vajennym złačynstvam.
«Ja nie pierajmajusia z hetaj nahody», — skazaŭ Tramp u adkaz.
«Viedajecie, što takoje vajennaje złačynstva? Vajennaje złačynstva — heta dazvolić Iranu mieć jadziernuju zbroju», — dadaŭ jon.
Donald Tramp raniej nieadnarazova papiaredžvaŭ, što ZŠA mohuć nanieści ŭdary pa elektrastancyjach, mastach i inšych abjektach infrastruktury ŭ Iranie, kali Tehieran nie zaklučyć pahadnieńnie abo nie adkryje Armuzski praliŭ. Na vychadnych jon navat vyznačyŭ krajni termin, da jakoha Iran pavinien pahadzicca na ździełku.
Taksama Tramp nazvaŭ prapanovu pra 45‑dzionnaje pieramirje ź Iranam «važnym krokam», ale padkreśliŭ, što hetaha niedastatkova.
Pavodle infarmacyi Reuters, Iran admoviŭsia ad hetaj prapanovy, jakaja praduhledžvała časovaje spynieńnie napružanaści ŭ abmien na razbłakiroŭku Armuzskaha praliva.
Čytajcie taksama:
Jak vajna Trampa ź Iranam nabliziła kaniec nafty i hazu i adkryła darohu elektryčnaści