«U milicyju adpraviła mama». Minskaha studenta ašukali machlary i prymusili stać ich kurjeram
22‑hadovy chłopiec atrymaŭ zvanok ad «Vodakanała» i pradyktavaŭ kod z sms-paviedamleńnia.
Zatym jamu patelefanavali i napałochali kryminalnaj adkaznaściu za niezakonnyja bankaŭskija apieracyi. Kab paźbiehnuć pakarańnia, student pahadziŭsia vykonvać patrabavańni kurataraŭ, paviedamlaje minskaja milicyja.
Małady čałaviek pajechaŭ na taksi pa troch adrasach i zabraŭ hrošy ŭ dvuch mužčyn i dziaŭčyny. Usie jany taksama stali achviarami ašukanstva i ličyli, što dekłarujuć svaje hrošy praz kurjera Nacbanka.
Adzin z kanviertaŭ z čužymi hrašyma student pieradaŭ nastupnamu pasiaredniku. A dva inšyja vyviez za miažu.
Viarnuŭšysia dadomu ŭ Minsk, małady čałaviek raspavioŭ pra zdareńnie mamie. Žančyna zdahadałasia pra ašukanstva i adrazu paraiła synu źviarnucca ŭ milicyju. Toj i pajšoŭ u milicyju.