Na vostravie Chark prahrymieli vybuchi
Vostraŭ — hałoŭny ekspartny chab Irana.
Fota: Wikimedia Commons
Niekalki vybuchaŭ prahučała na vostravie Chark, paviedamlaje iranskaje ahienctva Mehr u svaim telehram-kanale.
«Amierykana-sijaniscki vorah učyniŭ niekalki napadaŭ na vostraŭ Chark, i na vostravie było čuvać niekalki vybuchaŭ», — havorycca ŭ paviedamleńni iranskaha ahienctva.
Raniej Donald Tramp pahražaŭ źniščyć naftavuju infrastrukturu na vostravie Chark, kali Iran nie adkryje Armuzski praliŭ.
Vostraŭ Chark raźmieščany ŭ paŭnočnaj častcy Piersidskaha zaliva na paŭnočny zachad ad Armuzskaha praliva. Jaho płošča — kala 20 kv. km,
Chark — hałoŭny ekspartny chab Irana: praz raźmieščany tut terminał prachodzić 90% iranskaha naftavaha ekspartu. Nafta pastupaje pa trubapravodach z najbujniejšych radoviščaŭ, a infrastruktura vostrava dazvalaje zahružać supiertankiery (z-za miełkavodździa jany nie mohuć padychodzić da macierykovaha ŭźbiarežža) i zachoŭvać da 30 młn baralaŭ syraviny.