Stała viadoma, kali ŭ Minsku pačnuć pracavać atrakcyjony
Siezon atrakcyjonaŭ u Minsku pačniecca 24 krasavika. Pra heta paviedamiŭ pradstaŭnik «Minskzialonbuda», piša ahienctva «Minsk-Naviny».
Zdymak ilustracyjny. Fota: «Naša Niva»
Usiaho ŭ stalicy pracujuć kala 60 atrakcyjonaŭ u čatyroch parkach. Ich pačali rychtavać da siezona jašče z pačatku sakavika.
Sioleta źjaviacca i novyja zabavy: u parku imia Horkaha adkryjuć atrakcyjony «Pažarnaja kamanda», «Ružovy słon» i 5D-kino, a ŭ parku Čaluskincaŭ — novy atrakcyjon «Miks». Pry hetym u apošnim prybrali niekatoryja staryja abjekty — koła ahladu i atrakcyjon «Ładździa».
Raźvivajecca i park imia Uha Čaviesa, dzie robiać akcent na aktyŭny adpačynak. Tam płanujuć abstalavać placoŭki dla plažnaha valejboła, futboła, skiejtbordynhu, a taksama zonu ź sintetyčnym lodam.
Akramia taho, u parku Čaluskincaŭ rychtujuć maštabnuju rekanstrukcyju. Zamiest roznych handlovych punktaŭ uzdoŭž alejaŭ źjaviacca adnolkavyja kaviarni i paviljony ŭ adzinym styli. Taksama abnoviać dziciačyja placoŭki, aśviatleńnie i kasavyja zony.
Čytajcie taksama:
Strašna i sumna: žycharka Žłobina pakazała miascovy park
U minskim parku Čaluskincaŭ demantujuć koła ahladu
U Parku Čaluskincaŭ z koła ahladu źniali kabinki FOTAFAKT
Park imia Čaluskincaŭ rychtujecca da rekanstrukcyi — pačynajecca hramadskaje abmierkavańnie