Mocny vybuch i pažar adbylisia na Panamskim kanale
U Panamie adbyŭsia mocny vybuch i pažar pad mastom, jaki pierasiakaje Panamski kanał — Mostam dźviuch Amieryk. Incydent zdaryŭsia dniom 6 krasavika kala paŭdniovaj častki kanała, u rajonie Ła-Boka.
Skryn ź videa: AlertaMundoNews / X
Pieršapačatkova paviedamlałasia, što vybuch moh adbycca na tankiery, ale paźniej vyśvietliłasia, što nasamreč jon uźnik na bierazie — na terytoryi paliŭnaha terminała. U vyniku zaharelisia aŭtacysterny, paśla čaho ahoń pierakinuŭsia na inšyja reziervuary. Połymia dasiahnuła kanstrukcyj mosta i paškodziła ich.
U vyniku zdareńnia zahinuŭ jak minimum adzin čałaviek, jašče niekalki atrymali traŭmy, siarod ich ratavalniki i mirnyja žychary. Pažar udałosia patušyć, a da likvidacyi pryciahvali bolš za 75 pažarnikaŭ.
Paśla vybuchu ruch pa Moście dźviuch Amieryk byŭ časova pierakryty i śpiecyjalisty pačali pravierku jaho stanu. Płanujucca techničnyja vyprabavańni, kab vyśvietlić, ci biaśpiečna dalej karystacca mostam.
Niahledziačy na zdareńnie, Panamski kanał praciahvaje pracavać u zvyčajnym režymie — sudnachodstva nie parušana. Ułady padkreślili, što kanał adkryty i abmiežavańniaŭ dla ruchu sudnaŭ niama.
Čytajcie taksama:
Kantrol nad klučavymi partami vakoł Panamskaha kanała atrymajuć amierykancy
Za pretenzijami Trampa na Panamu, Kanadu i Hrenłandyju moža chavacca tonki pieramoŭny raźlik