Kantrol nad klučavymi partami vakoł Panamskaha kanała atrymajuć amierykancy
Na fonie cisku z boku prezidenta ZŠA Donalda Trampa hankonhski chołdynh Hutchison zajaviŭ, što pryniaŭ rašeńnie pieradać kantrol nad dvuma asnoŭnymi partami ŭ rajonie Panamskaha kanała amierykanskamu kansorcyumu, piša Bi-bi-si.
Kampanija CK Hutchison Holdings zajaviła, što pradaść 90-pracentnuju dolu ŭ Panama Ports Company, jakaja kiruje partami «Balboa» i «Krystabal» pa abodva baki kanała, kansorcyumu na čale z amierykanskaj inviestycyjnaj kampanijaj BlackRock.
U adpaviednaści z umovami ŭhody, suma jakoj pieravyšaje 14 miljardaŭ dalaraŭ, amierykancy taksama atrymajuć kantrol nad 80% aktyvaŭ daččynych kampanij Hutchison, jakija kirujuć 43 partami i infrastrukturaj u 23 krainach, u tym liku ŭ Brytanii, Hiermanii, na Blizkim Uschodzie i ŭ Paŭdniova-Uschodniaj Azii.
Na dumku analitykaŭ, rašeńnie pieradać kantrol nad asnoŭnymi partami mahło być pryniata pad ciskam novaj amierykanskaj administracyi. U pieršyja dni svajho prezidenctva Donald Tramp biazdokazna zajaŭlaŭ, što kanał kantraluje Kitaj, i pahražaŭ viarnuć jaho pad kantrol ZŠA.
Tramp navat nie vyklučyŭ mahčymaści siłavoha zachopu, što vyklikała hnieŭnuju reakcyju ŭładaŭ Panamy i miascovych žycharoŭ, jakija vyjšli na akcyi pratestu.
U supolnym pres-relizie pradaŭcoŭ i pakupnikoŭ havorycca, što ŭhoda nie źviazanaja z palitykaj.
«Ja chacieŭ by padkreślić, što ździełka nosić vyklučna kamiercyjny charaktar i zusim nie źviazanaja ź niadaŭnimi palityčnymi navinami, jakija tyčacca panamskich partoŭ», — zajaviŭ adzin z kiraŭnikoŭ Hutchison Frenk Sikst.
Urad Panamy zajaviŭ, što nie maje nijakaha dačynieńnia da ŭhody.
«Heta hłabalnaja ździełka pamiž pryvatnymi kampanijami, jakija kirujucca ŭzajemnymi intaresami», — havorycca ŭ zajavie panamskich uładaŭ, jakoje cytuje AFP.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
Zrazumieła, što peŭnuju kolkaść majomaści padobnym čynam adcisnuć atrymajecca, ale bolš cikava, što budzie dalej. Pa sutnaści, heta spravakuje sychod z ZŠA inviestycyj zamiežnych kampanij, bo mocna skaracicca kolkaść žadajučych mirycca ź niečakanaj ryzykaj - trymańniem u ZŠA instrumientu cisku na siabie.