Tajamniča prapaŭ 23‑hadovy «hieroj Rasii»

Za svoj niadoŭhi viek Alaksiej Asyłchanaŭ paśpieŭ pavajavać, stracić na froncie nahu. I sieści ŭ mašynu da nieznajomaha mužčyny.

U rasijskaj Kiemieraŭskaj vobłaści ŭžo čaćviortyja sutki šukajuć 23‑hadovaha ŭdzielnika vajny z Ukrainaj i ŭładalnika zvańnia «Hieroj Rasii» Alaksieja Asyłchanava, jaki biasśledna źnik pa darozie na pracu, piša Baza.

Paviedamlajecca, što Asyłchanaŭ žyŭ u horadzie Jurha i paśla vajskovaj słužby pracavaŭ u technikumie ahratechnałohij i servisu. U dzień źniknieńnia jon pajšoŭ na pracu, ale ŭviečary pierastaŭ vychodzić na suviaź.

Da pošukaŭ padklučylisia palicyja i vałanciory. Zvyčajna mužčyna karystaŭsia ŭłasnym aŭtamabilem, ale ŭ hety dzień, pavodle papiaredniaj infarmacyi, jon moh sieści ŭ mašynu da nieviadomaha čałavieka — hetyja źviestki ciapier praviarajuć siłaviki.

Asyłchanaŭ byŭ raźviedčykam-apierataram bieśpiłotnikaŭ u desantnym pałku i atrymaŭ uznaharodu za ŭdzieł u bajavych dziejańniach suprać Ukrainy. Jon byŭ ciažka paranieny paśla ataki bieśpiłotnika i ŭ vyniku atrymaŭ amputacyju nahi.

Kamientary da artykuła