«Staviacca jak da śmiećcia». Biełarus-akupant pakalečyŭsia na froncie, a ciapier pamiraje ŭ kurskaj balnicy biez dapamohi
Žycharka Biełarusi Taćciana Škała zapisała videazvarot da hubiernatara Kurskaj vobłaści Alaksandra Chinštejna z prośbaj źviarnuć uvahu na situacyju ź jaje synam — hramadzianinam Biełarusi, vajskoŭcam rasijskaj armii 27‑hadovym Dzianisam Linkievičam, paviedamlaje telehram-kanał «NIE ŽDI chorošije novosti».
Raniej žančyna paviedamlała, što syn ličyŭsia źnikłym bieź viestak. Paźniej stała viadoma, što jon žyvy, ale atrymaŭ ciažkija ranieńni i byŭ dastaŭleny ŭ špital Kurskaj vobłaści.
Pavodle słoŭ maci najmita, paśla špitalizacyi pakalečanamu synu nie zabiaśpiečvajecca naležny dohlad i miedycynskaja dapamoha. Jana śćviardžaje, što ŭ balnicy jamu nie dajuć nieabchodnaha lačeńnia, a ŭmovy znachodžańnia nie adpaviadajuć patrabavańniam.
U svaim zvarocie žančyna taksama zajaŭlaje, što padobnyja prablemy zakranajuć i inšych paranienych vajskoŭcaŭ, a staŭleńnie da tych, chto nie maje rasijskaha hramadzianstva, moža być jašče horšym.
«Da vieteranaŭ, paranienych staviacca jak da śmiećcia. Svaich, ruskich, taksama kidajuć na łožkach biez dahladu. A pra tych, u kaho pašpart nie rasijski, ja maŭču», — zajaŭlaje žančyna.
Dzianis Linkievič, jak paviedamlajecca, słužyŭ u 82‑m motastrałkovym pałku (v/č 52033) 69‑j hvardziejskaj motastrałkovaj dyvizii (v/č 02511) 6‑j hvardziejskaj ahulnavajskovaj armii (v/č 31807).
Nie prabyŭ na froncie i piaci dzion, zastaŭsia tolki abhareły trup. U vajnie suprać Ukrainy zahinuŭ uradženiec Śvietłahorskaha rajona
Biełarus, uziaty ŭ pałon ukraincami, źviarnuŭsia da Łukašenki z prośbaj zakinuć za jaho słoŭca pierad Pucinym
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ
«Śviaciła vosiem hadoŭ». Biełarus sa Ščučynščyny raskazaŭ, jak pajšoŭ vajavać za Rasiju
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary