Astranaŭty z «Artemidy-II» zrabili ŭnikalnyja FOTY Miesiaca

Ekipaž misii «Artemida II» apublikavaŭ zdymki Miesiaca, zroblenyja padčas ablotu spadarožnika Ziamli. Na fotazdymkach taksama vidać vid na zachad Ziamli, jaki byŭ zafiksavany 6 krasavika 2026 hoda.

Hetyja zdymki nahadvajuć viadomy histaryčny kadr uschodu Ziamli, zrobleny amierykanskim astranaŭtam Uiljamam Andersam padčas misii «Apałon-8» amal 60 hadoŭ tamu.

Paviedamlajecca, što misija «Artemida II» užo ździejśniła važny etap — ablot Miesiaca praciahłaściu kala siami hadzin, što stała pieršym viartańniem ludziej da spadarožnika Ziamli z časoŭ misii «Apałon-17» u 1972 hodzie.

Padčas palotu kaśmičny karabiel «Aryjon» na niekatory čas straciŭ suviaź ź Ziamloj, kali prachodziŭ za Miesiacam, i ŭ hety momant jon nabliziŭsia da pavierchni prykładna na 6000 kiłamietraŭ. Paźniej ekipaž dasiahnuŭ maksimalnaj adlehłaści ad Ziamli, ustalavaŭšy novy rekord dla piłatavanych kaśmičnych palotaŭ.

Paśla zaviaršeńnia nazirańniaŭ astranaŭtaŭ u žyvym efiry NASA pavinšavaŭ prezident ZŠA Donald Tramp.

Kamientary da artykuła