Nacbank vypuskaje maniety z vyjavaj traktara — upieršyniu ź niejzilbieru
U Biełarusi płanujuć vypuścić pamiatnyja maniety «Minski traktarny zavod. 80 hadoŭ». Jany źjaviacca ŭ abaračeńni 22 krasavika, paviedamiła pres-słužba Nacbanka.
Fota: Nacbank
Na maniecie budzie vyjaŭleny traktar, a taksama nadpis, pryśviečany 80‑hodździu Minskaha traktarnaha zavoda.
Asablivaść hetych maniet u tym, što ŭpieršyniu dla ich čakanki vykarystali niejzilbier — spłaŭ miedzi, nikielu i cynku, jaki pa źniešnim vyhladzie nahadvaje srebra.
Vyrabiać maniety na homielskim pradpryjemstvie «Kryštal».
Płanujecca vypusk dvuch vidaŭ maniet:
- naminałam 1 rubiel ź niejzilbieru, nakładam 3 tysiačy asobnikaŭ;
- srebnaja manieta naminałam 20 rubloŭ, nakładam 2 tysiačy asobnikaŭ.
Maniety buduć ličycca zakonnym płaciežnym srodkam i ich možna budzie vykarystoŭvać biez abmiežavańniaŭ.
Čytajcie taksama:
Vychodzić novaja partyja załatych maniet «Słavianka»
U ZŠA vypuściać nadzvyčaj vialikuju manietu z vyjavaj Trampa