U ZŠA płanujuć vypuścić jubilejnuju załatuju manietu z vyjavaj Donalda Trampa. Rašeńnie było adnahałosna padtrymana Fiederalnaj kamisijaj mastactva, piša Ruskaja słužba Bi-bi-si.
Manieta budzie 24‑karatnaj i prymierkavanaja da 250‑hodździa ZŠA, jakoje adznačać 4 lipienia. Na joj Tramp vyjaŭleny, abapirajučysia kułakami na stoł. Eskiz padrychtavaŭ Manietny dvor krainy.
Zvyčajna amierykanskaje zakanadaŭstva zabaraniaje źmiaščać vyjavy dziejnaha prezidenta na hrašach. Adnak u hetym vypadku vykarystajuć śpiecyjalnaje vyklučeńnie: ministr finansaŭ maje prava vypuskać tak zvanyja probnyja załatyja maniety i sam vyznačać ich dyzajn.
Čakajecca, što ministr finansaŭ Skot Biesient zahadaje adčakanić manietu, jak tolki Manietny dvor ZŠA vyznačyć kančatkovyja jaje pamiery. Jaje prapanujecca zrabić vialikaj — značna bolšaj za zvyčajnyja maniety.
«Ja prapanuju zaćvierdzić hetu [manietu] bieź źmien, i ja nastojliva rekamienduju zrabić jaje jak maha bolšaj, — až da troch dziujmaŭ u dyjamietry», — zajaviŭ namieśnik staršyni kamisii Džejms Makrery.
Raniej Tramp źmianiŭ skład Fiederalnaj kamisii pa mastactvie, pryznačyŭšy tudy svaich prychilnikaŭ. Choć u Kanhresie i prapanoŭvali zakon, jaki b zabaraniaŭ takija rašeńni, jaho nie pryniali.
Da hetaha času tolki adzin prezident ZŠA źjaŭlaŭsia na maniecie pry žyćci — Kałvin Kulidž, jaki kiravaŭ krainaj u 1923‑1929 hadach.
Łukašenka čarhovy raz pachvaliŭ Trampa: Heta ŭ dobrym sensie słova akcior, a jašče biznesmien, žurnalist, ekanamist i krychu palityk
Tramp zajaviŭ, što jaho bolš nie cikavić Nobieleŭskaja premija miru
Takajeŭ prapanavaŭ Radzie miru zasnavać premiju imia Trampa
Tramp zajaviŭ, što bolš nie abaviazany dumać pra mir, bo jamu nie ŭručyli Nobieleŭskuju premiju miru
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie2
Kamientary
hrošy tolki mn. NV hrošy, hrošaj, hrašam, hrašami (-šyma), hrašach[Red. — Dziakuj, vypravili]
[Zredahavana]