Čyhunku abaviazali admianić abmiežavańni pa prodažy kvitkoŭ

Ministerstva antymanapolnaha rehulavańnia i handlu papiaredziła Biełaruskuju čyhunku pra parušeńni, jakija jana dapuskaje pry prodažy kvitkoŭ.

Zdymak ilustracyjny. Fota z sacsietak

Jak śćviardžaje MARH, Biełaruskaja čyhunka ŭvodziła nieabhruntavanyja abmiežavańni na kuplu miescaŭ u ciahnikach mižrehijanalnych i rehijanalnych linij biznes-kłasa. U pryvatnaści, abmiažoŭvałasia kolkaść biletaŭ da abo ad pramiežkavych stancyj, a taksama skaračaŭsia termin papiaredniaha prodažu.

Naprykład, za 45 sutak da adpraŭleńnia nielha było kupić kvitok da Babrujska na ciahnik Minsk — Homiel, choć kvitki da kancavaj stancyi (Homiela) u hety ž čas byli dastupnyja. Časam kvitki da pramiežkavych stancyj źjaŭlalisia tolki za dzień abo mienš da adpraŭleńnia.

MARH adznačyŭ, što ŭ takich dziejańniach jość prykmiety parušeńnia zakanadaŭstva ab naturalnych manapolijach.

U vyniku BČ pavinna admianić hetyja abmiežavańni i pryvieści prodaž kvitkoŭ u adpaviednaść z zakonam.

Kamientary da artykuła